楊茜堯一打二帶子女睇多啦a夢 小姊弟盡得遺傳越大越可愛

楊茜堯 同 羅子溢 結婚後誕下一子一女，之後就將重心放喺子女身上，減少幕前演出，直至最近先參演新劇《黑色月光》。平時將時間大量投放喺小朋友身上，加上暑假就自然要安排唔同放電活動啦，好似日前佢就帶小珍珠兩姊弟，一齊到訪近來Hit爆嘅卡通展覽，細佬仔嘅大眼靚仔樣仲似足Daddy子溢，家姐小珍珠又搭住細佬膊頭合照，非常親密。

楊茜堯帶小珍珠姊弟睇展覽，小朋友越大越可愛身為媽咪嘅佢都話一入場就回憶湧現一家四口不時出遊非常溫馨

雖然呢日身為媽咪要一打二帶住小姊弟一齊出門玩，不過睇小朋友咁滿足嘅笑容就乜都抵返晒，茜堯仲寫道：❤️多啦A夢❤️ 一定係每個小朋友兒時嘅理想玩伴，我都唔例外，由細到大，我都好想擁有屬於我嘅❤️多啦A夢❤️

今次佢嚟香港同我哋見面，我同兩個寶貝又點可以錯過呢😍😍

茜堯近年花多量時間陪伴子女成長
兒時回憶返晒嚟🥹🥹🥹🥹
唔知大家鐘意邊個法寶呢😍😍😍