2024香港小姐女．遊記｜15位港姐上山下海拍攝真情流露 挑戰飛索飛車體驗刺激感性爆喊

港姐特備節目《2024香港小姐女．遊記》8月26號星期一晚首播，15強佳麗早前分成五組拍攝外景，5號莊曉婷Kimmy、6號李曼思Adria同15號俞可程Kanis夥拍嘉賓何沛珈同陳懿德到內蒙古、2號倪樂琳Ellyn、3號王汛文Candice同4號謝淑怡Zoie夥拍嘉賓黎芷珊同彭慧中到菲律賓碧瑤、7號秦冀雯Yvonne、8號盧凱怡Kerry和12號鍾翠詩Tracy夥拍嘉賓麥美恩同馮盈盈到塞班、1號陳紫佟Jessie、10號吳芷靖Clary和13號程姜月Dolores就同江美儀、邵初到新加坡、9號陳甜甜Rose、11號梁嘉莹Emily和14號楊梓瑤Amina則留喺香港同嘉賓高海寧、謝嘉怡、賴慰玲一同拍攝，感受地道風味。

15位港姐佳麗早前分批到外地拍攝，節目星期一起播出高強度嘅密集拍攝，令部份佳麗一度落淚

節目宣傳片日前公開，15位佳麗體驗非一般外景之旅，玩轉海陸空，喺塞班拍攝嘅小組有機會上山下海，享受親親魔鬼魚、美人魚式浮潛、小型飛機之旅。蒙古小組亦極盡刺激，挑戰速度與激情嘅越野車，仲有新加坡小組玩嘅高空飛索，三位佳麗暢玩期間嗌足全程顯露真性情。至於香港拍攝方面，行程以幫助海外佳麗體驗香港特色文化及感受生活為主，佳麗們仲會學吊威吔同化大戲妝體驗粵劇文化。

今次佳麗拍攝跳出一般日復日生活

節目中有激情亦有感性，宣傳片還節錄了佳麗拍攝期間爆喊時刻，7號秦冀雯、13號程姜月、6號李曼思及5號莊曉婷都喺旅途中落淚，流露真性情，精彩又感人。

節目星期一起正式公開

《2024香港小姐女．遊記》8月26日至29日、9月2日至6日 22:35 、9月7日 21:00 翡翠台 播出。