張敬軒澳門騷加開三場破紀錄 門票火速售罄售票網幾乎癱瘓

張敬軒 十月將於澳門開騷，早前優先訂購門票開放優先訂購當日，因為眾多歌迷湧入買飛導致網絡大塞車，門票正式開賣後，據知仲有炒家利用「搶飛程式」攻擊網站，令網站幾乎癱瘓，非常誇張。

張敬軒澳門騷門票開賣，有炒家仲用程式攻擊網站

由於反應熱烈，主辦方宣佈加開3場，即係今年共有15場演出，打破咗上年14場嘅紀錄，加場消息一出，門票再度秒殺，得知消息嘅軒仔表示十分感恩，「真係好多謝大家嘅支持，加場係為咗買唔到飛嘅朋友仔，希望佢哋今次可以買到。」軒仔表示今次演唱會係第三章，除咗延續過往包括倫敦站在內幾站嘅特色，會演繹自己嘅歌曲之外，亦會演繹其他歌手嘅作品，並且加入新元素，「希望每一次嘅演出，都令觀眾有新嘅體驗。」

今年演出仲打破去年14場嘅紀錄