謝雪心衝出香港Cosplay到深圳 謝芷倫過夠二人世界有生育計劃

早前 謝雪心 喺動漫節玩Cosplay被網民大讚好，呢日心姐同羅蘭、黃允財、 阮浩棕 以及 謝芷倫 等出席一個活動時，透露嚟緊佢又會再出動玩Cosplay，今次仲就會衝出香港玩到深圳，佢都好期待觀眾嘅反應呀。

心姐指將會到深圳Cosplay，稍後亦會登台演出紀念師傅

除咗玩Cosplay之外，心姐11月將會有粵劇演出，藉以答謝恩師任劍輝昔日既栽培，心姐話11月喺恩師離世35周年，唔會因為時間而忘記師傅對佢嘅教導，所以特別開騷以作紀念，屆時會演出師傅好友白雪仙同方艷芬嘅戲寶，仲有任姐同紅線女嘅曲目。

阮浩棕同謝芷倫都忙住拍攝節目

至於阮浩棕近日忙於拍攝節目《家常便飯爭霸戰》，阿Nic雖然做主持，但都會騷下廚藝，不過對於平日零下廚嘅佢有好有難度，幸好有高手三姐蕭秀香在場指點，令佢可以順利完成。

講到廚藝，阿Jan話自己自從做咗《流行都市》主持後，喺呢方面都增進咗唔少知識。除此之外，睇嚟Jan都準備要吸收育兒資訊，因為佢有生育嘅打算，性別男女都一樣開心。