NEXT成員畢雯珺大騷搖搖絕技 預告將與李權哲再同台演出

內地偶像畢雯珺呢日出席商場活動，曾經係全中國搖搖冠軍隊嘅一員，畢雯珺亦有即場小露一手搖搖絕技，技驚四座嘅表演令全場譁然。

畢雯珺所屬嘅娛樂公司即將舉行家族演唱會，身為男團NEXT嘅成員，粉絲都好期待佢可以同昔日隊友朱正廷，以及LOONG 9成員李權哲同台演出，畢雯珺就暗示到時舞台上唔會得佢自己一個演出，粉絲應該可以期待下啦！

畢雯珺呢日即場示範搖搖花式

藝人經常要面對大批粉絲，如果性格容易怕醜就好麻煩啦！偏偏畢雯珺就係一個社恐I人，所以要佢對住咁多粉絲擺pose影相，真係高難度任務。而佢平時自我放鬆嘅方法都比較靜態，最鍾意就係聽音樂，不過如果有幾日假期，都會希望可以去下旅行。