告五人預告下月登大巨蛋演出 雲安英文不佳鬧笑話惹全場爆笑

台灣樂隊 告五人 人氣高漲，代言活動接不停，呢日佢地現身新款手機發佈會，獻唱多首歌曲炒熱氣氛，直頭好似一場小型演唱會。

告五人呢日現身代言活動，透露下月將於大巨蛋演出

不過只聽幾首歌當然唔夠喉，相信Fans都期待告五人新一輪嘅演唱會，咁啱台北大巨蛋即將開放做演唱會場地，好多歌手都想挑戰下呢個可以容納6萬人嘅新場，估唔到告五人真係有咁嘅計劃，不過就唔係自己嘅專場騷，而係為棒球比賽擔任賽後演出嘉賓。

講起演唱會，告五人近期頻頻去到海外演出，10月份將會去到歐洲巡演，不過如果想正式進軍國際市場，雲安嘅英文恐怕需要再加強下，事關佢之前喺加拿大機場過關嗰陣，就因為同海關人員溝通不良而鬧出笑話，講返呢件事，連雲安自己都忍唔住爆笑。