衛詩雅明年二月出嫁帶父母試菜 準外父爆乖女難頂擔心嫁唔出

早前宣佈獲任職醫美行業男友求婚成功嘅 衞詩雅 已積極為來年2月嘅籌備婚禮，早前佢同父母到一間有70多年歷史嘅傳統酒樓試菜。提到Michelle即將出嫁，將再任新外母嘅Michelle媽咪仲不捨哽咽，而新外父就大講反話，直言Michelle嫁得出放下心頭大石。

Michelle早前宣佈已同圈外男友定婚

準外父同外母「榮榮」「Amy」一早抵達酒樓，對試菜非常重視，仲對準女婿比前唔錯分數，又大讃未來女婿夠晒乖仔，又非常尊重老人家，又會出動提出參與家庭聚會融入家中。

不過榮榮亦坦言曾擔心Michelle「難頂」，又擔心佢嫁唔出：「我個女真係都幾難忍受㗎，今時今日佢都未嫁得出⋯⋯ 唉！呢個男仔頂得到佢都OK㗎啦，哈哈。佢似我囉，成日火爆，有乜嘢唔啱就講晒出嚟。」

早前佢仲同父母一齊接受訪問

Michelle亦直認性格似足爸爸：「爸爸有乜嘢都係好率直講晒出嚟；我阿媽就好醒目嘅，佢係一個好聰明嘅女人，佢好似乜嘢時候做啲乜嘢，好圓滑。」

Michelle一姊一弟俱已成家立室，榮榮就指自己對Michelleuu出嫁未有太大不捨：「香港地方咁細。我唔會喊嘅，我開心到不得了啦，都唔知等咗幾耐。希望佢老公俾我更加錫佢、俾多啲幸福佢，咁就已經夠㗎啦。」

準外母仲因為不捨而落淚

而Amy就寄語準新娘話：「維繫一段婚姻唔容易，希望你哋兩個大家互相珍惜對方。 之前兩個小朋友結婚我都冇唔捨得嘅感覺，可能呢個係最後一個，我就有啲唔捨得啦……感覺三個真係要離開我啦……」

而Michelle聞言就攬住媽咪笑說：「放心，你哋而家唔係冇咗個女，係多咗個仔，着數、着數！」