與秀姑結婚45周年叻哥16字金句冧老婆

叻哥陳百祥同秀姑黃杏秀啱啱渡過佢哋嘅結婚45周年紀念，雖然紀念日當日叻哥要開工拍嘢，但係佢都不忘為秀姑安排驚喜，仲有拍片紀錄低呢個moment呀。
叻哥同秀姑結婚 45 周年。
當日叻哥除咗準備咗一大束紅玫瑰外，仲有一個結婚周年蛋糕，上面仲有一支心型嘅煙花蠟燭，而喺工作人員推出蛋糕後，即齊齊大合唱張學友嘅名曲《你的名字我的姓氏》，令秀姑都全程都面帶冧笑。切完蛋糕後，叻哥又親手餵秀姑食蛋糕，相當甜蜜。
秀姑眼裡只有叻哥。叻哥親手餵秀姑食蛋糕。
而喺片尾叻哥就晒出當年同秀姑嘅婚紗，同埋佢兩個年輕時嘅生活照，並喺帖文中寫道：「照片會泛黃，記憶會模糊，愛仍歷久常新，紀念我們的45週年🥰🥰🥰」。