港姐候選佳麗現身活動考儀態急才 秦冀雯 盧凱怡 陳甜甜脫穎而出

2024香港小姐競選進行得如火如荼，呢日一眾候選佳麗現身手錶活動，借展示手錶要考驗佢地嘅儀態同急才，最後7號秦冀雯、8號盧凱怡同9號陳甜甜呢隊就獲得最佳演繹獎，而佢地就將脫穎而出嘅功勞歸功於8號盧凱怡，盧凱怡謙虛表示，因為自己自細跳舞，有比較多舞台經驗，所以上咗台先會比較淡定。

港姐候選佳麗今日出席手錶活動
距離9月15號決賽大日子淨返半個月，佳麗們嚟緊將會有一連串緊密行程，要出席好多大大小小活動，雖然忙碌，但佢哋就覺得次次都有新啟發。7號秦冀雯就話決賽好睇臨場發揮，雖然好難有具體準備內容，但就希望自己可以keep住最佳狀態；8號盧凱怡覺得要戰勝比賽一定要有強大嘅心態；而9號陳甜甜就話希望自己嘅廣東話可以更進步啦！
7號秦冀雯、8號盧凱怡同9號陳甜甜獲得最佳演繹獎

提提大家，2024年香港小姐投票活動已經展開，全球網民都可以參與我最喜愛佳麗投票活動，投選自己嘅心水佳麗，而香港區投票嘅朋友仲可以參加抽獎，有機會得到豐富嘅獎品，大家記住把握時間投票啦！

港姐網上投票活動已經展開