商台65周年辦晚宴DJ假髮現身 森美做足30年靠開咪買樓

商業電台65周年台慶，一眾DJ同嘉賓一齊參與晚宴，好似 鄭裕玲 馮素波 阮兆祥 森美 等都以唔同假髮作主題現身，森美 同 當奴 嘅造型真係見到都已經笑出嚟，仲話係參考郭富城演唱會都以突出假髮出現先有呢個想法喎。

商台舉行65同年晚宴，二台DJ都以假髮現身
佢哋又話今年會復辦明星籃球賽，仲有足球同閃避球等等，又話會考慮加入近排最Hit嘅羽毛球，森美仲話同太太打完波先出現，又笑言打波對男人係非常重要嘅一環呀。
各位DJ都以唔同假髮造型出現

今年已經係森美加入電台嘅30周年，服務咁耐最有得著就係買到物業上車，仲多謝賞識自己加人工嘅高層，不過就口快快連名都講錯，因住被電台罰扣人工呀。

森美同當奴受訪時繼續一直搞笑