相澤南引退一年AV形象深棄藝名 下月港見面會取消從新起步

香港出生，曾於美國生活嘅前AV女優 相澤南 2016年出道後拍攝過近百部AV，去年因經理人兼男友離世，正式宣佈自暗黑界引退，當時佢指會考慮向香港或台灣嘅演藝界發展，早前就曾接拍《東京愛情動作故事》，月前又同 吳業坤 合作拍攝介紹日本美食嘅《獨食好西》，年初亦傳出佢同另一退役人氣女優 三上悠亞 將 參與《一路向西2 東京AV攻略》演出。

相澤南引退後拍攝嘅《東京愛情動作故事》曾在港播出

早前又參與《獨食好西》同坤哥合作
不過因為前AV女優形象太深入民心，引退一年後佢仍被過去形象所束縛，佢日前就宣佈將即時停止所有以藝名安排嘅工作，希望同過去一筆勾消，連帶下周原定於香港舉行嘅見面會都已決定取消。
日前佢突然宣佈棄用「相澤南」藝名，連用呢個名接嘅工作都取消

相澤南 於社交平台發文，指對過去從事AV演員無悔，不過引退一年以來，每次活動都同過往扯上關係，令自己難以有新發展同突破，所以決定放棄舊藝名「相澤南」，亦對非常渴望同自己見面嘅香港朋友同活動主辦單位致歉。又希望以全新嘅自己喺未來同大家見面。
佢話對過去工作無悔，不過因為對發展有影響，所以有呢個決定

6月佢於台灣舉行見面會，與Fans同慶28歲生日時，就曾提到「8、9月將有重大發表」，有可能早已有計劃搣甩舊形象。

6月生日時佢曾遇告8、9月會有重大公佈，似係預告呢次宣佈