陳奕迅罕有公然放閃 晒老婆徐濠縈到大連探班照

徐濠縈早前同愛女陳康堤去日本旅行，仲意外將囡囡嘅日本混血模特兒男友Shou Honda曝光。唔知係咪想轉移大家視線，唔好再追住愛女同佢位混血男友，所以徐濠縈喺日本之旅見完未來女婿後，就火速去到大連，陪正喺內地開緊巡迴演唱會嘅老公陳奕迅。
陳奕迅於社交平台放閃。
Eason喺29號罕有地於社交平台post出同老婆徐濠縈嘅合照，相中陳氏夫婦喺夕陽下面對面企喺碼頭邊，Eason同徐濠縈都笑得相當燦爛，而喺帖文中Eason寫道：「嗯⋯聽說大連很浪漫！🌅 完。」

陳奕迅正於內地舉行巡迴演唱會。
唔少網民睇到Eason嘅相後，都留言表示佢兩公婆勁sweet：「😎帶返副超先！閃到盲喇！🥰幸福❤️」、「狂tag三張老婆哈哈哈哈哈 知道你們很sweet啦🥺」、「第三張就是徐哥迅妹！🥰🥰🥰」。
徐濠縈早前同囡囡康堤同埋日本混血模特兒Shou Honda去日本旅行。