港女野人奇異記丨吳浩康為節目聲音導航 乘機自薦搶四位女神飯碗

何泳芍、胡美貽、陳若思同廖慧儀主持嘅《港女野人》嚟到新一季，今次就搵嚟吳浩康為節目《港女野人奇異記》擔任聲音導航，為四位女神主持嘅行山奇異經歷配旁白。近十年熱愛露營同戶外運動嘅阿Deep，當初收到節目邀請時即一口答應，佢又笑言自己係節目中最爽嘅人，因為全程坐喺冷氣房錄音。

《港女野人奇異記》吳浩康為《港女野人奇異記》擔任聲音導航。

Deep自從做咗爸爸之後，不時爭取工作機會，今次佢都把握機會，自薦下季可以搵嚟港爸拍山系節目，佢話香港有好多地方都適合拍攝山系節目，當然可以出外地取景就更好。Deep又自爆正準備訓練兒子成為自己行山拍檔，但要等天氣轉涼先。

吳浩康自薦拍山系節目。