獲頒傑出貢獻紀錄片獎 林家棟因傷留港未能同行

旅發局早前邀請集合多代電影人，製作以6部短片而成嘅香港電影業紀錄片《香港經典 光影重塑》早前已分別喺康城同香港公映，有份參與執導其中喜劇短片《咇－理痛》嘅林家棟，原定同一眾團隊星期六晚飛往威尼斯出席「Filming Italy Venice Award」活動，同時接受主辦單位頒發「傑出貢獻紀錄片」獎項，唯因為早前受傷未能同行。

家楝有份執導紀錄片當中其中一部短片

《咇－理痛》係紀錄片當中嘅喜劇故事
《咇－理痛》短片監製陳善之指，家棟因日前受傷須留港治療，所以未能成行，而家棟就話：「本來以為可以同大隊一齊出發，但醫生話最少要3至4個星期先可以慢慢復原，又唔適合坐長途機。雖然好想同大家一齊出席，而家就唯有留喺香港默默支持大家。」

家棟早前曾參與紀錄片喺香港嘅首映禮
同家棟一齊執導《咇 - 理痛》嘅導演黃國強就會繼續飛往當地擔任代表，家棟希望到時可以即時連線，同分大家一齊分享喜悅。