徐榮自小支持愛子足球興趣 送英國讀書受訓終成職業球員

今年奧運令香港運動熱潮升溫，唔少家長都希望培育子女成為頂級運動員，能文能武就一流喇。

而圈中好爸爸 徐榮 唔止自己熱愛足球，大囝 徐朗 亦自細同Daddy一樣愛踢波，Karson仲自細就接受足球學校嘅系統訓練，又因為佢有濃厚興趣同極好天賦，徐榮同太太仲含淚將佢送往英國升學，希望佢可以喺更高強度嘅競爭性嘅氣氛下成長，更有指每年學費高達42萬。
球隊宣佈徐朗加盟9月1號開始嘅港超聯球季

每年Karson都趁放假返香港，同年齡相差多年嘅妹妹仲有愛錫自己嘅父母聚天倫，經過幾年時間，17歲嘅Karson已經暴風成長，唔止已經有Daddy咁高，仲加盟上屆香港超級聯賽排名第二嘅大埔隊，背號28號嘅Karson將一嘗心願成為職業足球員，球會更公佈Karson將係重點培訓對象。

徐朗過往不時同Daddy一齊現身活動
徐榮支持Karson發展，花鉅資供讀英國足球學校

徐榮本人一樣熱愛足球，仲係明星隊成員Karson過往不時同Daddy一齊出席活動，而徐榮自細就對Karson嘅足球夢非常支持，每次提到Karson嘅成績都欣慰又開心，更不時齊齊接受訪問，如今Karson初步達成兒時夢想，相信關係超級緊密嘅徐家一定非常高興喇。

17歲嘅Karson已經同Daddy一樣高

Karson將使用28號背號，而球會亦指佢係重點培訓對象