動力火車相識五十載情同家人 志琳被秋興爆料最愛去廁所唔沖廁

台灣二人組合動力火車今年出道25周年，佢哋選擇重返首個開演唱會嘅場地舉行同樂會，同粉絲玩遊戲搞氣氛及獻唱經典歌曲《忠孝東路走九遍》、《嗨歌萬萬歲》，令人回憶湧現。

動力火車重返當年首次辦演唱會場地紀念出道25周年
動力火車顏志琳同尤秋興相識50年，早已視對方情同家人，要維繫呢段兄弟情一定要好大包容且諒解，講到多年嚟最頂唔算對方係乜嘢？秋興就大爆志琳最愛去廁所唔沖廁，令對方尷尬表示係失誤，唔記得咗。秋興繼續講出對好友感受指對方好固執，擇善擇惡同樣固執，而自己只係擇善唔擇惡，兄弟互相爆料但無損情誼。

兩人經過長時間磨合之下，對對方性格瞭如指掌，被主持人問到知唔知對方身上有幾多粒痣時，佢哋一齊被考起。志琳笑指連老婆有幾粒痣都唔知道，不過兩兄弟由細識到大近50年，呢份親情真係好難得。