泰國小鮮肉Gulf襲港搞見面 錄製鈴聲兼騷廣東話冧爆Fans

現年26歲嘅泰國小鮮肉Gulf喺香港搞粉絲見面會，呢次係Gulf相隔一年多再到香港會粉絲，佢唔單只又唱又跳，更大派福利，同幸運粉絲玩遊戲兼合照，又為大家錄製特別鈴聲大騷廣東話，真係冧得大家暈陀陀呀﹗Gulf以中文同台下Fans講「大家好、我愛你、早晨、早唞等」，不過粉絲們就要求好高大嗌唔收貨。

泰星Gulf日前來港再同Fans見面
而喺接受我哋主播 許文軒 嘅你問我答環節中，Gulf就分享咗自己來到香港最鍾意嘅食物係叉燒同燒肉，相信佢已經喺旅程中大飽口福，食到唔少地道美食。及後Gulf嘅粉絲都好識做，喺見面會最後時仲播放應援影片為偶像打氣，又舉起足球波波，令Gulf有個難忘回憶，並高唱一曲《Slipped Your Mind》冧爆粉絲。