支嚳儀公開多倫多行程Vlog 拯救手機再公開團友斷頸睡相

幾位中聲歌手 支嚳儀 周吉佩 古淖文 同 顏米羔 近日正進行北美宣傳，首站先到加拿大多倫多舉行見面會，幾位亦先接受當地華人電台訪問，Venus就將行程紀錄拍成影片喺社交平台同大家分享喇。

中聲Power of Live多倫多站見面會轉眼已經完結
完成訪問之後佢哋隨即就現身當地一個商場為觀眾演出，仲有唔少Fans一早到場，更用唔同方式向佢哋打氣，氹得佢哋非常開心，可惜因為行程太緊密，一完成活動佢哋就已經要動身去機場轉往三藩市演出，不過沿途熱情嘅朋友就一直歡送，仲猛叫佢哋快啲再到加拿大呀。
一行人已轉飛三藩市準備演出

去到機場大家就為呢次加國短短之行各自影相拍川打卡總結，不過吉吉一幅張開雙臂迎接美好陽光同蔚藍天空嘅相，就意外捕捉到後面嘅Venus奮力向前搶救就被風吹倒嘅腳架同手機姿態，非常搞笑。而被發現醜態嘅Venus，上機後就唔瞓覺「報復」，將同行嘅大家睡相公開，實行互相傷害以牙還牙呀。

Venus搶救手機嘅一刻被意外影低