J Music｜中聲幫參與Busking商場演出 近距會歌迷氣氛超熱烈

周吉佩 顏米羔 劉威煌 同 陳蒨葶 早前齊齊到天水圍拍攝《J Music》，當然先後為大家送上唔少好歌啦。而大家嘅Fans亦一早到場擺好陣勢，邊聽歌邊為佢哋打氣，難怪吉吉同米羔都話大家嘅熱情令佢哋動容喇。

幾位中聲唱將早前到天水圍錄影《J Music》
喺商場唱Busking同其他表演有唔同感覺，而人山人海又近距離接觸，就更令氣氛非常濃厚喇。佢哋仲話戶外演出不論係歌手同歌迷大家嘅情緒都會更高漲，亦會更加好玩咁話呀。
吉吉又同現場朋友一直合照

威煌同Sammi就指，今次演出可以掉轉唔使大家吓吓都出市區，仲話多謝大家呢日冒黃雨都一樣熱情現身打氣呀。

威煌就指Busking氣氛特別好