黎諾懿飛越南向戴祖儀派委以重任 河內景點「朝聖」狂打卡寓工作於娛樂

黎諾懿、戴祖儀（Joey）近日搞作多多，兩位唔只為一個醫學頻道合作拍片，近日出席一個電視電影節飛往越南。難得可以出Trip，諾懿同戴祖儀亦有把握好機會喺當地好好遊覽兼影相打卡，諾懿寫道：「第一次來到越南歸仁市，一個充滿歷史的城市。」而戴祖儀就撰文話：「Halo Vietnam，跟大佬搵食日誌。」

黎諾懿同戴祖儀把握好機會喺當地好好遊覽兼影相打卡。

戴祖儀噚日喺IG上載近照，見佢同諾懿喺位於越南首都河內「火車街」打卡，火車街自2018年成為網紅景點，不少遊客特意去嗰度「朝聖」。今日戴祖儀喺IG再上載照片，見佢同諾懿去咗歸仁市雙子星大樓打卡，呢個古老建築係具有吳哥時期建築風格，歷史追溯到12世紀，見戴祖儀喺烈日當空擺甫士影靚相，難怪佢留言：「3公升的汗水。」

戴祖儀同黎諾懿去咗歸仁市雙子星大樓打卡。

原來呢次戴祖儀去越南，都係多得諾懿呢位大佬！諾懿回覆傳媒表示，因上年為港姐到當地拍攝原因，今年受邀再到越南出席活動揭幕式。早前患上虹膜炎嘅戴祖儀亦康復理想，所以呢趟越南之旅，就要靠戴祖儀做翻譯，免得大家聽唔明「港普之父」嘅普通話同英文發言，唔怪之得二人可以寓工作於娛樂，順便喺當地景點打卡。

原來呢次戴祖儀去越南，都係多得諾懿呢位大佬！黎諾懿此行靠戴祖儀做翻譯，仲可以寓工作於娛樂，順便喺當地景點打卡。戴祖儀喺烈日當空擺甫士影靚相，難怪佢留言：「3公升的汗水。」