馮德倫破格演出新戲 反派大佬造型夠惡相

由趙麗穎、肖央主演，劉燁特別演出嘅內地電影《浴火之路》即將上映。電影故事講述三位不同背景嘅家長，因為小朋友被拐而聚埋一齊，趙麗穎飾演小朋友被賣嘅媽媽櫻子，同一個小朋友被拐6年嘅老崔，以及因小朋友被拐而死、投身打拐事業嘅趙子山，三人相遇，繼而喺尋子打拐路上同人販子鬥智鬥勇嘅故事。

馮德倫化身賣人集團Big Boss嘅角色演繹得淋漓盡致。

呢位Big Boss最終「惡有惡報」，被人殘忍就地正法！

 而電影喺最新發布嘅宣傳片中，亦揭開另一位特別演出嘅面紗！神秘演出嘅馮德倫（Stephen）就以破格形象亮相。成頭魚骨辮造型加上傷妝嘅佢，真係惡得入型入格，將賣人集團Big Boss嘅角色演繹得淋漓盡致。不過呢位Big Boss最終「惡有惡報」，被人殘忍就地正法！

馮德倫今次以破格形象亮相，有別於以往靚仔角色。