姚焯菲再次挑戰慘情歌 拍MV喊唔停自言比以往更得心應手

姚焯菲早前趁放暑假返港，順道為新歌《至少他不似你》拍攝MV，新歌係一首慘情歌，雖然現實生活Chantel未遇過慘情經歷，但佢話唔擔心投入唔到，因為佢細味咗份歌詞後，已經了解到歌詞含意，只要投入去唱就可以帶出首歌嘅情感。

雖然現實生活Chantel未遇過慘情經歷，但佢話唔擔心投入唔到。

再次挑戰慘情歌，Chantel覺得比以往更易掌握，可能累積咗錄歌經驗，所以走入錄音室唱起上嚟更得心應手。而MV中，Chantel都要應付流淚鏡頭，佢話今次喊嘅鏡頭冇乜難度，全因拍攝MV呢段日子，佢不停喊咗好多次，佢透露可能身體太攰。
Chantel不停喊咗好多次，佢透露可能身體太攰。