2024香港小姐競選丨15位佳麗投選友誼小姐 3號王汛文激動領獎添信心

《2024香港小姐競選》將於9月15號舉行，大會率先公布今屆「最上鏡小姐」評審名單，包括現任「慧妍雅集」會長朱凱婷，以及四位港姐冠軍陳法蓉、翁嘉穗、劉倩婷同未有現身嘅曹敏莉，佢哋亦跟候選佳麗們見面，兼分享參選心得。

眾候選佳麗呢日跟傳媒見面。翁嘉穗、朱凱婷、陳法蓉、劉倩婷
經過15位候選佳麗投票選出嘅「友誼小姐」，最終由3號王汛文奪得。佢聽到賽果後情緒由驚訝變成激動，並喺陳法蓉手上接過鮮花祝賀。王汛文解釋情緒激動係因為見到各位佳麗將一種喜愛放喺自己身上，感覺到好有愛好感動。有指奪得「友誼小姐」係一種魔咒，王汛文就覺得只要唔好咁諗，就唔會擔心，反而覺得得獎後更添信心。
《2024香港小姐競選》將於9月15號舉行。