文青女神袁澧林將馳騁綠茵場加盟公民女子隊成女足猛將

有「文青女神」之稱嘅袁澧林近年主力於影壇方面發展，去年仲憑《窄路微塵》中嘅單親媽媽Candy一角，同時獲金馬獎、金像獎同電影評論學會提名影后。社交平台不時見到Angela會落場打排球，不過呢日女子甲組足球聯賽球隊民和公民就喺社交平台公佈，Angela將加盟其成為其中一名女將，目前佢正同其他隊員一齊操練中。

公民女子隊宣佈Angela加盟成為一員
雖然有網友即時留言，指Angela加盟足球隊非常驚訝，不過Angela自細其實就係足球愛好者，唔止早前身穿法甲里昂嘅波衫喺法國直擊奧運比賽，更加自小學已經係足球校隊，早年佢就曾喺社交平台分享過自己嘅腳法喇。唔知星爺套《少林女足》又會唔會考慮吓邀請Angela加盟呢？