容祖兒鬧市舉行簽名會 抽到老闆閃卡即話2千蚊割愛

容祖兒 相隔七年再次舉行簽名會，當佢現身銅鑼灣鬧巿嘅限定概念店時候，店外已經企滿Fans同圍觀者，場面墟冚。Joey為Fans逐一簽名、合照兼握手，有Fans仲一家大細到嚟支持，亦有嚟自唔同城市嘅Fans，當中有Fans同Joey講「我追咗你二十年，我今年二十歲。」Joey即謂：「即係你一出世就鍾意我啦？」有fans於影合照時大讚Joey好靚，Joey又發揮鬼馬挑皮個性：「你影相嘅時候都冇望我，點知我靚？」引來全場大笑。

祖兒久未喺香港舉行簽名會，呢日吸引大班Fans到場

人潮逼爆店鋪附近
簽名會結束後，祖兒喺店內參觀，仲走埋閃卡機抽閃卡，Joey仲話「梗係要抽到成哥（老闆楊受成博士）啦！」然後一邊抽一邊叫：「阿成！」最後抽出張敬軒，「得到阿軒呀。」然後再抽，「皇天不負有心人！我抽到成成啦。」有Fans話呢張閃卡炒至二千蚊，Joey聞言就話：「我割愛，俾你啦，你哋夾二千蚊俾我。」

祖兒仲抽到老闆嘅閃卡，又鬼馬話要割愛賣俾Fans