張鈞甯強調配偶欄仍空白 詹子萱稱與陳昊森只係朋友

張鈞甯呢日帶埋旗下藝人詹子萱出席慈善活動，之前佢哋親身去到尼泊爾探訪，呼籲大家照注當地女童嘅尼泊爾探訪，活動上播出當地女童嘅受訪片段，詹子萱仲睇到一度落淚，要張鈞甯安慰。

張鈞甯同詹子萱重溫探訪片段時非常感觸
張鈞甯日前被目擊同馬來西亞導演男友柯汶利喺葡萄牙旅行，二人嘅互動相當親密，加上鈞甯大方認愛，難免會被大家問到結婚問題，不過鈞甯就話目前未有結婚嘅想法，佢又笑言就算自己有冇呢個諗法都好，傳媒都會為佢提前進行，又反問大家佢係咪應該喺去年就已經結咗婚。鈞甯強調自己配偶欄仲係空嘅，而目前冇諗咗多，一切都順其自然，但如果聽日真係發生啲咩事，佢都會同大家講呀。
呢日佢哋又分別被傳媒追問感情問題

因為同柯震東演出大尺度劇集而人氣急升嘅詹子萱，日前被影到同男星陳昊森疑似着情侶裝拍拖，老闆鈞甯都話佢桃花超強，而詹子萱就指同陳昊森係因為拍戲而認識嘅朋友，又話大家應該睇得出，報導入面其實都冇咩特別，大家都只係朋友，至於問到身為老闆嘅張鈞甯會唔會下禁愛令，佢就話藝人嘅私生活唔會管，又指正常社交被影到都冇咩問題，佢仲笑言咁代表佢家嘅孩子紅喇，開始多人關注係好事。

身為老闆嘅張鈞甯仲指，唔會干涉藝人嘅私生活呀