StarTalk一氣呵成版丨陳若思被胡美貽壯大膽量 何泳芍被廖慧儀爆閨房事

何泳芍 胡美貽 陳若思 同 廖慧儀 衝出香港到紐西蘭拍攝節目《港女野人奇異記》，四位靚女作客《StarTalk》接受主播 詹可琳 訪問，大談拍攝時點滴。
陳若思就話本身膽少多顧慮，但今輯不時夥拍胡美貽，過程中被對方敢於嘗試個性影響，慢慢自己都越嚟越大膽去做任何事。由於拍攝節目需要相當大體能，每日拍攝完畢返到房已經好攰，廖慧儀就話每晚瞓覺都要戴上耳機，因為同房嘅何泳芍鼻鼾比較響。

《港女野人》四美早前衝出香港到海外拍攝新節目
此行除咗挑戰唔同冒險之旅，陳若思表示另有收穫，本身有抑鬱嘅佢，自言此行受當地人樂觀一面影響，成個行程佢都冇乜喊，甚至返港後心情仍然大好，胡美貽解釋可能佢每日都經歷大開眼界生活，陳若思都認同，因為會覺得成個世界好靚。
呢日就分享佢哋去新西蘭嘅拍攝之旅

行程難免受傷，胡美貽更試過擦穿褲流血，不過佢睇返拍攝片段時，反而自覺好型。而廖慧儀自覺第一季體能上拖累大家，所以今次事前做足準備，更嘗試沖凍水涼令體格更好。
當中仲有唔少趣事發生

經過兩季訓練，四位靚女已經越操越弗，問到擇偶時會否要求對方一樣弗？何泳芍覺得都需要有一定體能，能夠陪自己上山下海，佢又自爆經已相約野男去行山。