鍾楚紅張曼玉經典電影出4K修復版 導演楊凡嘆再難覓氣質女星

1988年由楊凡導演自編自導嘅經典電影《流金歲月》，推出4K數碼修復版，9月8日喺尖沙咀文化中心大劇院，舉行全球首映，全院滿座，本片導演楊凡一早到場，喺電影海報上簽名送畀影迷，答謝佢哋嘅捧場，而吳思遠伉儷、陳果、劉天蘭同黃劍文都有到場支持。
吳思遠伉儷與楊凡。
楊凡接受傳媒訪問時，話自己睇過呢部電影不下百次，被問及有無請兩位女主角出席首映禮? 楊凡表示兩位女星已經好少同外界接觸，不過就係因為咁先可以顯得呢部電影嘅珍貴，佢又話：「電影記錄咗佢哋最好嘅一面，保留咗佢哋20幾歲嘅青春。依家好難揾到好似鍾楚紅同張曼玉呢種氣質嘅女明星，因為而家拍戲嘅方式都已經唔一樣。」楊凡喺電影開場前對觀眾作映前分享時話：「當年原本唔想揾張曼玉飾演蔣南孫，而是揾葉蒨文參演，但最後都揾咗Maggie。」
楊凡出席4K修復版電影首映。楊凡出席4K修復版電影首映。

至於黃劍文說當年電影上映時佢先得5歲，未有機會入場觀看，呢日終於可以睇到兒時偶像女神張曼玉嘅經典。Kimman 說修復後嘅《流金歲月》畫面同色調非常好，兩位女主角真係好靚，如果我有機會參與呢部電影嘅拍攝工作、就算只係做一個跟場 ，我都會非常滿足。
黃劍文過當年電影上映時，佢先得5歲。楊凡為在場fans簽名。