袁偉豪欲尋回廿年前夢中情錶 期待同袁咕碌結伴遊車河

袁偉豪呢日現身一個鐘錶頒獎典禮，佢首次以客席評判身份為比賽點評。平時除咗鍾意玩電單車外，阿Ben間中都有收藏下手錶，而佢就話有一隻好想得到嘅夢中情錶，係自己剛入行時好想買嘅，但因為當時能力不足，所以每次行過錶行都會睇吓，亦試過膽粗粗入去試戴，但最後都係冇買到。

袁偉豪呢日以客席評判身份出席鐘錶頒獎禮。

阿Ben話隻錶已經停咗產，所以都想透過呢次鐘錶頒獎禮嚟搵返隻錶，如果有人擺上網出售嘅，而家嘅佢就會入手，阿Ben仲話睇到隻錶就會令佢諗返起廿幾年前嘅自己呀。
袁偉豪好想搵返已經停咗產嘅夢中情錶。
雖然囝囝袁咕碌仲好細個，但阿Ben就話已經諗好將來嘅父子活動，同囝囝一齊做運動，同時又好期待可以兩仔爺一齊去遊吓車河呀。
袁件豪好想同囝囝袁咕碌一齊去遊車河。