「延禧攻略」CP吳謹言與洪堯領證結婚 夫妻同步發放喜訊令網民震驚

現年34歲內地花旦吳謹言2018年時演出宮鬥劇《延禧攻略》飾演魏瓔珞熱爆，火速紅遍內地、香港及東南亞，喺劇中同飾演和親王弘晝嘅洪堯於2019年傳出緋聞，更有指佢哋已經發展到同居關係，雖然兩人一直冇公開認愛，不過事實促証佢哋一劇定情。今日(13號)中午仲神同步出po上載領證結婚喜訊，吳謹言留言：「今天領的@洪堯」，而洪堯亦呼應留言：「今日結的@吳謹言」並雙雙晒出領證婚照。

內地花旦吳謹言2018年時演出宮鬥劇《延禧攻略》飾演魏瓔珞熱爆。

雖然吳謹言曾經被指人氣下滑，但早前憑劇集《墨雨雲間》人氣再次攀升，正當大家以為佢為事業拼搏之際，就傳出呢個震撼消息。其實吳謹言同洪堯嘅婚訊雖然有啲突然，但早喺舊年已有媒體爆出吳謹言有意懷孕消息，當時吳謹言嘅老闆兼伯樂于正就第一時間澄清造謠，轉眼間二人已領證成為夫妻，睇嚟好快就會再有喜訊分享。

吳謹言今日宣布成為人妻!吳謹言同洪堯嘅婚訊雖然有啲突然，但早喺舊年已有媒體爆出吳謹言有意懷孕消息。