失蹤人口丨吳大維拍片教英文 意外令豪宅花園曝光

已經有一段時間冇出現喺觀眾面前嘅吳大維，日前終於回歸社交平台，佢拍咗一條剪草地嘅片，嚟教大家英文，吳大維喺帖文中寫道：「跟我一起沉浸式剪草+學句好玩的英文吧😎」，並以「失蹤人口回歸」嚟形容自己。

吳大維拍片同大家沉浸式剪草。

喺美國長大同讀書嘅吳大維講得一口流利英文，所以教起英文嚟完全冇難道。由於吳大維想以「草」嚟教大家英文，所以佢就喺自己屋企嘅後花園拍起剪草片，亦令大家側面睇到佢間屋有幾咁大。

意外令佢嘅豪宅同花園曝光。
吳大維喺太陽下剪完草後，就對住鏡頭表示：「夏天的時候草長得很快，Grass grows very fast。」從而延伸到教大家點用英文講「寧願做其他事，都唔想聽對方喺度囉唆。」由於吳大維嘅英語相當正宗，所以聽佢講英文亦係一種享受。

吳大維教大家英文。