李佳 顏志恒做歌唱比賽評判 文佩玲定居中山學做KOL

李佳、顏志恒Benson、李泇霖三位中一生聯同歌手文佩玲、莫鎮賢，現身一個歌唱比賽做評判，搞手之一嘅李泇霖，七年前舉辦歌唱比賽時，Benson同佳佳都係參賽者之一，更各自攞到殊榮，所以李泇霖大讚佢哋當年已經歌藝超班。李佳舊地重臨感覺返娘家一樣，好親切，並憶起自己返港本來無計劃參加比賽，但最終就成為咗中聲之友，勾起好多回憶。

李佳顏志恒

三位各自都忙於籌備新歌，Benson啱啱開始進行錄音就遇上阻滯，上兩星期感冒加咳嗽，無奈要延期入錄音室，現時要追趕進度，Benson仲預告新作會圍繞男人做主題，等各位期待一吓。
李佳、李泇霖、顏志恒
文佩玲近日甚少喺香港露面，原來佢悄悄到家鄉中山定居，除咗要適應新環境之外，仲嘗試緊新工作，努力學習直播做KOL，好友莫鎮賢就呼籲文佩玲唔好只逗留於內地，因為佢就快開騷，希望心目中嘅女神到時可以支持。
莫鎮賢、文佩玲