羅大佑厭棄大場搞小型演唱會 拒為增流量及鎖量做騷

羅大佑即將喺台北開騷，呢日綵排時佢一口氣自彈自唱多首歌曲畀大家先聽為快，對開騷已經準備就緒。大佑哥今次個騷雖然係小型演唱會，並刻意捨棄大場地改用小型場館，原因係佢抗拒大場地編制，好似喺運動場搞演唱會咁，是為了塞更多人入場館、要更大流量、為更好票房，大佑哥認為音樂走到這個地步，主要係大家太講究流量、觀眾數目、比較場次，因此而忽略音樂，係一個不健康生態。

羅大佑 9.14於台北舉行音樂會。

綵排時羅大佑自彈自唱多首歌曲畀大家先聽為快。

相反今次喺小場地搞音樂會，大佑哥就呼籲觀眾可以真正靠一雙耳朵去感受音樂同聲音，而唔係靠大型音響去聽音樂，會更真切地享受到表演者嘅用心。呢次個騷大佑哥除咗自彈自唱之外，又會用純演奏方式呈現曲目，佢話近幾年一直好努力練琴，一日練習四至五個鐘，精進鋼琴技術係佢人生最後希望。
大佑哥呼籲觀眾真正靠一雙耳朵去感受音樂同聲音。