泫雅與未婚夫龍俊亨訪港與宣美展現女神性感魅力

香港一連兩日舉行戶外音樂節，邀請到來自不同地方嘅歌手參與，雖然天氣不穩有時會落雨，但依然無減粉絲嘅熱情，尾場更獲韓國兩大性感女神泫雅及宣美坐陣。
將成為人妻嘅泫雅相當風騷。泫雅以露背上衣加上超短熱褲演出。
宣布10月結婚嘅泫雅未婚夫龍俊亨亦同行陪伴到香港，難怪泫雅都表現得特別風騷，雖然快將成為人妻，但泫雅依然Keep住性感衣著風格，以露背上衣加上超短熱褲演出，喺台上不時扭動身體非常誘人，泫雅喺台上又以嬌柔聲線同粉絲打招呼搞氣氛。另一位性感女神宣美亦以背心豹紋短裙上陣，大騷小蠻腰同長腿，令現場彌漫住強烈性感魅力。
性感女神宣美。
同場演出嘅仲有台灣歌手J.Sheon同Marz23以及韓國男團TREASURE，佢地雖然衣著上相對地密實多布，視覺上一定唔及兩位韓國女神搶鏡，但佢哋嘅勁歌熱舞演出同樣令台下觀睇到熱血沸騰，尖叫聲不斷。