吳彥祖馮德倫美少年變大叔 26年後再同框舒淇最凍齡

吳彥祖 日前喺IG出post，貼出一張昔日舊相同近照對比圖，相中三人包括Daniel本人、 馮德倫 同埋 舒淇 ，喺同樣嘅位置擺出相同嘅pose，雖然睇得出歲月痕跡，但三人依然keep住高顏值，畫面依舊美好。

吳彥祖、馮德倫同舒淇重現當年《美少年之戀》嘅宣傳相
Daniel寫到：「26年後.......左邊張相係我哋宣傳電影《美少年之戀》時拍攝。呢套係Stephen同我嘅第一部電影。右邊張相係今年夏天影。沒太大變化真係太好啦！除咗我地有啲白頭髮同左邊兩個人已經結婚。」
當年Daniel同Stephen嘅顏值真係驚為天人

舊相中舒淇坐喺正中間，Daniel同Stephen喺佢身後，三人睇上去十分青澀；今年夏天三人再聚首，大家都輕裝上陣，舒淇素顏加寬鬆服裝；Stephen鬍鬚變白著T恤短褲，完全係家居大叔look；Daniel同樣著住T恤，但就戴上cap帽，三人嘅表情同笑容，明顯輕鬆過26年前。
轉眼原來已經係廿多年前嘅作品

呢個post吸引大批網民留言，大讚三人幾乎冇變過，尤其舒淇更加完全凍齡，而舒淇本人亦有留言搞笑寫到；「需要把左邊那個還給你不？」；而Stephen就留言叫Daniel cut走自己，Daniel更加抵死回覆話如果冇佢，Stephen同舒淇恐怕到現在都係單身。由留言完全可以感受到三人26年嘅好交情。

佢哋仲對當年劇情同戲外感情搞笑回應