歐陽妮妮宣布佗龍寶寶 曬孕照分享懷孕喜悅

台灣女星 歐陽妮妮 同金鐘獎迷你劇集影帝 張書豪 ，因拍攝《腦波小姐》而結緣，拍拖6年修成正果，7月登記結婚後，喺9月14日歐陽妮妮就宣布懷孕嘅好消息，並上載咗幾張甜蜜孕照。相中所見，著上白色Bra Top嘅妮妮露出肚皮，明顯已經見肚，而佢公開咗BB嘅超聲波照，分享懷孕嘅喜悅。

歐陽妮妮同張書豪宣佈有喜
妮妮留言表示：「很幸運，我們擁有了你，你是我人生中收過最棒的禮物！謝謝你來到我們家～也謝謝你選擇了我們。謝謝你讓媽媽在孵化你的過程沒有讓媽媽不舒服，還讓媽媽胃口很好吃好多胖好多？天使寶寶非你莫屬，每次產檢看著你一點一點長大，聽著你強而有力的心跳，真的是我人生中最幸福的時刻，全家人都在期待你平平安安的來到這世上！」
報喜圖片都可以感到佢口哋對BB有幾咁期待

而將升格做爸爸嘅張書豪亦第一時間喺限時動態上載相片，其中一張就係佢同妮妮拉住BB衫影既溫馨照，好似對未來一家三口幸福模樣充滿憧憬，佢更感性表示:「爸爸正在經歷牽著爺爺、奶奶變老，牽著媽媽慢慢孕育，接下來我也會像圖片裡一樣，牽著你慢慢長大！你只要健康，什麼都好。」不過，有網民對於呢張相有唔同睇法，有人仲話：「拉著件衣服拍照，我覺得很詭異。」、「有點小恐怖。」
但係其中一張相就令部份網友感到詭異感喇

歐陽妮妮表示，妹妹歐陽娜娜、老公同外婆都屬龍，加上爸爸名字歐陽龍，所以一直覺得同「龍」特別有緣，所以喺去年已一直考慮生個龍寶寶，慶幸能趕上尾班車追龍B。