港姐決賽｜8點翡翠台現場直播 線上互動環節全民參與

全城矚目選美盛事《2024香港小姐競選》，今晚(15號) 20:00 喺電視城舉行決賽。今屆港姐加入 4 大互動元素，全球觀眾同網民可透過參加「我最喜愛佳麗」投票活動，同大會評判及觀眾一齊選出今屆最後四強佳麗，相關投票活動將會喺決賽期間先正式結束，而佳麗們嘅臨場表現，有機會令佢哋嘅走勢出現大逆轉。

1號陳紫佟

2號倪樂琳3號王汛文

而當四強誕生後，大會將隨即推出「誰是冠軍」投票活動，屆時全球觀眾/網民均有機會直接投選心目中冠軍人馬，觀眾部分嘅投票，將會同大會評判各佔一半評分。而所有有份參與以上投票活動嘅香港觀眾/香港網民，其中5位將有機會贏得總值約HK$11,000 嘅豐富獎品，詳情敬請留意節目及無綫官方社交平台最新公布。
4號謝淑怡5號莊曉婷

6號李曼思7號秦冀雯
除咗有份投選心水冠軍外，今屆觀眾喺「才藝女神大獎」上更加係有100%話事權！今晚決賽，無綫網上串流平台 myTV SUPER 將同時開放 Chatroom，畀觀眾即時留言互動之餘，仲可以直接為佳麗們今晚嘅才藝表演環節進行投票，一起參與今屆新增、百分百由觀眾話事嘅「才藝女神大獎」投票活動。
8號盧凱怡9號陳甜甜10號吳芷靖11號梁嘉莹
大會今早率先公開15強佳麗嘅才藝表演項目同綵排照片，大會將根據15強佳麗嘅表演內容同可融合成，將 15 人分成 A、B、C 三組進行表演，增加表演之間嘅串連性及整體性。
12號鍾翠詩13號程姜月

14號楊梓瑤
15號俞可程

根據公布內容，A 組佳麗有 1 號陳紫佟、4 號謝淑怡、8 號盧凱怡、15 號俞可程，四人分別負責表演唱歌、鋼琴演奏、跳舞及空中瑜伽；B組佳麗有 2號倪樂琳、5號莊曉婷、6號李曼思、9 號陳甜甜、12 號鍾翠詩、13 號程姜月，除咗李曼思及程姜月會分別着上滾軸溜冰鞋，上演絲帶舞及扯鈴技藝外，其餘四人則負責表演跳舞；C組佳麗有 3號王汛文、7 號秦冀雯、10 號吳芷靖、11 號梁嘉莹 及 14 號楊梓瑤，五人分別負責表演唱歌、棍術、劍舞、中國鼓樂 及京劇/扇舞。

至於第4大互動位，就係觀眾/網民可即到 TVB 官方社交平台互動留言，以及向心水佳麗提問，相關提問有機會安排喺今晚決賽由佳麗親身回答！
闊別港姐舞台超過 20 年嘅葉蒨文(莎莉)，為今晚決賽擔任重量級表演嘉賓。
而闊別港姐舞台超過 20 年、重量級表演嘉賓葉蒨文(莎莉)，噚晚(14號)繼續現身電視城，爭取時間與六大女歌手/組合單位進行綵排，當中包括《聲夢傳奇2》 代表黃洛妍、趙紫諾、劉詠彤、趙頌宜、《校園好聲音—唱響中國》冠軍洪心怡、女團 XiX 成員楊秉頤、繆昀希及良玳瑩。而噚晚一眾後輩連同 15強佳麗，將蛋糕捧到九月尾生日嘅莎莉面前為佢提早慶生，令莎莉相當興奮。根據大會公布嘅綵排照，應屆港姐決賽舞台亦曝光，富有歐陸風格嘅瑰麗圖書館布景，典雅又華麗！

葉蒨文同六大組別進行採排。葉蒨文同六大組別進行採排。
眾人為莎莉慶生。
另外，今晚 18:40 Enews嘅社交平台將會直播紅地氈盛況，myTV SUPER 19:15 起 ，亦會以全新形式無間斷直播。

15 強佳麗：1 號陳紫佟、2 號倪樂琳、3 號王汛文、4 號謝淑怡、5 號莊曉婷、6 號李曼思、7 號秦冀雯、8 號盧凱怡、9 號陳甜甜、10 號吳芷靖、11 號梁嘉莹、12 號鍾翠詩、13 號程姜月、14 號楊梓瑤及 15 號俞可程。

各位可繼續喺港姐投票頁面 https://tvb.app.do/mshk2024 投選「我最喜愛佳麗」，每人每次可投選1-3名心水佳麗，投票截止日期為決賽當晚節目時段。