徐穎堃憶大俠爸爸中秋團圓 徐少強飲愛女靚湯心都甜

「大俠」 徐少強 月初因食道癌離世，豈料年輕佢30歲嘅現任太太，疑因哀傷過度亦因心臟病發辭世，外界對消息無不大為唏噓。而同徐少強曾有一段情，又為佢誕下一子一女嘅雪梨，雖然當年最終分手，不過亦發文為舊愛哀悼，至於佢哋所生嘅兒女 徐偉棟 同 徐穎堃 ，回覆傳媒時就指正協助家人處理後事。

雪梨發文悼念舊愛
今日係中秋節，家人永遠無法再團圓更令人心碎，徐穎堃就喺社交平台，回憶年前同爸爸嘅相處小片段，佢寫道：

徐穎堃回憶年前與父過中秋嘅故事

來電顯示：🖤大俠爸爸🖤「一陣一齊食飯啦，有啲嘢攞俾你。」心諗：爸爸送咩俾我呢？
一到食飯，爸爸隨意攞咗一個迷你月餅出嚟。「今日中秋，意頭。」
「我哋影幅相留念呀！」「有咩好影呀？」
「係你人生第一次送月餅俾我，所以特別珍貴。為咗表示誠意，我都煲咗湯俾你飲。」

當年因過節而為爸爸煲湯
爸爸嘗試掩蓋他那見牙不見眼很甜的笑容。我遞上熱湯，你不作一聲地喝了一口，「幾甜喎。」
「係好甜呀 Daddy！因為係我煲㗎！」
「中秋節快樂」

可惜如今已天人永隔

據報兄妹正協助處理父親後事