吃貨橫掃港深珠丨彭慧中提觀眾睇節目拎震撼優惠 廖慧儀預告鏡頭前初體驗派福利

吃貨女神彭慧中、梁凱晴、廖慧儀呢日一齊出動拍攝新一輯節目《吃貨橫掃港深珠》，今次地點包括香港、深圳同珠海，幾位女神繼續瓹窿瓹罅為大家介紹有咩好食好玩。

睇見Phoebe嘅表情就知今次介紹嘅美食有幾正啦
廖慧儀指此行首先去深圳，然後去咗珠海，佢哋第一日拍攝就去一間沙灘Cafe，裡面仲有一個池好似水族館咁，可以畀客人邊食邊欣賞啲魚，廖慧儀預告自己喺鏡頭前做咗一啲以前未試過嘅嘢，初體驗疑似派福利，係咪齋聽已經令人好相當期待，而喺珠海就海陸空都有玩！
除咗食之外佢哋仲會介紹特色好玩之處

彭慧中呻自己冇去珠海，見其他吃貨女神啲相，令佢覺得好羨慕，不過彭慧中就讚喺深圳一間食店嘆片皮鴨好正；北上消費雖然好抵，不過留港消費同樣平靚正，吃貨女神彭慧中預告好多香港食店震撼價優惠，要留意節目掃描二維碼領取。

飛完天仲會落水