《中聲2》唱將黃劍文開首個處男演唱會 出動愛寵拍宣傳海報

《中年好聲音2》唱將黃劍文呢日帶埋兩隻愛寵嚟開工，呢日佢為首個處男演唱會拍海報，寓意貓貓喺佢人生路上畀咗自己唔少勇氣，給予好大嘅力量。

黃劍文日前為處男個唱拍攝海報
黃劍文坦言一開始得知開處男演唱會，自己唔敢相信，內心既開心又期待，黃劍文笑指歌迷愛屋及烏，歌迷們不時送嘢食、公仔、鎖匙扣等小禮物，黃劍文指愛貓收到嘅禮物比較多。
仲帶埋兩位貓主子齊齊上鏡

黃劍文喺呢幾個月喺工作有相當大嘅突破，10月要準備個人演唱會，又即將推出親自創作歌曲，黃劍文透露聽新歌錄音成果，自己都忍唔住流下男兒淚，新歌係講守護另一半係好大愛。

下月就開騷嘅Kimman，已開始投入準備