古淖文新歌一發佈即上榜 聯中聲2同學追月夜開Show

中聲歌手古淖文（German）工作密密接唔停，就連喺啱啱過去嘅中秋節都喺工作中渡過，完成一晚兩場嘅《月滿三巴夜2024》音樂會，追月夜又聯同《中年好聲音2》嘅拍檔喺澳門舉行嘅《中年好聲音中秋晚宴》表演。 

German同拍檔劉威煌、林思彤及《中聲2》導演及同學一齊合唱《Monica》。

German唔只唱出《激光中》、《沉默是金》，最後更同拍檔劉威煌、林思彤及《中聲2》導演及同學一齊合唱《Monica》。除咗澳門粉絲參與呢次「追月盛宴」，亦有大部分粉絲特意由香港過大海追星，陪German一齊過節。現場粉絲非常熱情，晚宴喺一片歡樂氣氛中渡過。 

大部分粉絲特意由香港過大海追星，陪German一齊過節。

中秋佳節美事生輝，German嘅新曲《流遍大地》喺iTunes一發佈即上榜，估計隨住劇集《企業強人》進入高潮，呢首「入屋」嘅主題曲將「流遍」大灣區。 

現場粉絲非常熱情，晚宴喺一片歡樂氣氛中渡過。