汪明荃出席《忠烈楊門》慰勞宴 期待重演努力演好佘太君

由彭美施擔任總策劃兼出品人嘅新編粵劇《忠烈楊門》，於8月公演一連4場均爆滿及贏得好口碑，班主施姐前晚舉行慶功宴，該劇大部份演員均抽空出席場面熱鬧，尤其近日工作繁多嘅汪明荃都坐足全場，更幸運抽到千元利是。

汪明荃前晚出席慶功宴，與該劇大部份演員一齊相聚，場面熱鬧！
一眾演員大合照時更以「《忠烈楊門》，明年載譽重來，震撼全城」作為口號，明年重演已勢在必行。汪阿姐飾演佘太君被讚轉型成功，阿姐坦言好想有機會再演佘太君： 「我一定會唱及演得更好！」
汪阿姐飾演佘太君被讚轉型成功，阿姐坦言好想有機會再演佘太君。

汪明荃今次擔演佘太君，與一眾梨園出色文武生及花旦所演楊家將合作，連場激烈武打及唱出家國情，對於該劇已籌備升級版，阿姐好高興可以成身為《忠烈楊門》一份子，聽到施姐話會重演，阿姐指可以畀多次機會自己，可以做得更好，未知重演會唔會同其他演出撞期，但阿姐好希望配合檔期。阿姐第一次做老角， 眼見每一位演員好打得，佢大讚年輕一輩演得很好，謙稱自己唔夠好，應該要再努力啲。」阿姐認為自己有不足在於心怯：「整個戲負擔好重。第一場演出自問演得唔好，當練習而己，後嚟熟練咗亦暢順好多。」

汪明荃更幸運抽到千元利是。
對於有觀眾讚阿姐越唱越有感情，被阿姐所演佘太君情感帶動。阿姐稱 : 「我係擅長做感情戲，好像演電視劇那樣，只不過亦嫌演得唔夠威嚴，呢個戲應該要再威嚴啲。但又怕會太惡，加上唔習慣演老角。」

阿姐稱家英哥有聽取一啲別人意見，再畀自己一啲建議，所以好希望下次演得再好啲。
阿姐稱家英哥有聽取一啲別人意見，再畀自己一啲建議，所以好希望下次演得再好啲。 阿姐讚好難得有一個班主出心出力出錢，全程參與其中，認真看待每件事，對整個粵劇界貢獻好大，而且整個團隊合作好好，update 又upgrade，廖國森亦表示今次合作好開心，召集粵劇界呢個大陣容其實係好困難，因為大家演出檔期密，加上施姐不惜功本，就係為咗做一齣好戲畀大家看，喺戲行嚟講真係好難得，因為而家市況唔係太好，然而今次卻一票難求，如果明年真係載譽歸來，對觀眾嚟講係開心事。