雷神黑寡婦聲演《變形金剛》動畫 配音考起Christopher攰如拍動作片

基斯杜化·咸士禾夫 (Christopher Hemsworth)同 施嘉莉·祖安遜(Scarlett Johansson)過往曾經分別參與超級英雄系列電影嘅演出，最近佢哋再次合作，不過就唔係超英新片，而係聲演《變形金剛》嘅動畫片新作。

《變形金剛》動畫新作由當年故事起源講起
雷神今次變為柯柏文，仲會公開佢同狂派之首麥加登由好兄弟對反目成仇嘅內情，雖然只係配音唔需要打鬥演戲，不過Christopher就指可以參與成為《變形金剛》一份子仲聲演主角柯柏文既大壓力又擔心。第一次接觸動畫嘅佢，仲話付出嘅辛勞比普通電影一啲都唔細，為動作場面配音時仲會跳來跳去咁話。
會詳解兩派頭目當年親如兄弟但係最後反目成因

Scarlett聲演嘅艾莉塔係大家非常熟悉嘅大黃蜂嘅好拍檔，身為人母嘅佢仲話再同Christopher合作心情非常興奮，仲認為呢部新作有向新一代繼續發揚變形金剛嘅作用，仲話好期待帶10歲囡囡入場欣賞呀。