羅天宇愛貓因病離世 望寄情工作走出傷痛

羅天宇 日前發文悼念愛貓離世，呢日佢強忍傷痛出席一個寵物活動，天宇見到現場可愛嘅動物，難免觸景傷情，勾起好多同愛貓Artemis相處９個月嘅回憶。
羅天宇嘅愛貓因重病而需人道處理

講起貓貓因病要人道毁滅，天宇都難掩傷感，表示活動前一個星期度貓貓出現肺積水，經過治療後未見好轉，開始出現後腳郁唔到，經檢驗後發現貓貓有腫瘤等問題，為免愛貓繼續受病魔折磨，最終忍心決定將貓貓「人道處理」。

呢日佢依約現身寵物活動，不過難免神情哀傷
雖然愛貓離世令天宇非常難過，不過佢慶幸呢段時間可以寄情工作，令佢暫時忘記傷痛。而唔少主人，因為寵物離世太傷感，而唔敢再養小動物，天宇就話佢未諗咁多，只係希望大家無論養咩動物都好，事前真係要諗清諗楚。好似佢之前曾諗過領養一隻大狗，但被勸告拍劇忙碌生活，好難俾足夠時候照顧巨型犬，最終天宇喺臨門一刻決定取消領養，唔想之後出現棄養咁不負責任嘅行為。