我推的野男LIVE！｜Cash被淘汰未忘行善心願 Dragon隊員三連敗無奈出局

由 胡蓓蔚 支嚳儀 火火 同 陸浩明 主持嘅互動選秀騷《我推的野男LIVE！》，上星期4組野男進行一對一對壘，每集都有成員被淘汰。上周一「胸猛隊」嘅「46吋巨胸林子善」7號顏英豪(Cash)，被對手指定為第一淘汰目標，成為首名出局野男。

25歲嘅Cash從事健身教練，擁有46吋巨胸，本身就是生招牌，佢被淘汰後認為因為自己太強，所以成為對手打擊目標。Cash節目中曾向主持支嚳儀透露，希望籌建一座孤兒院，更直言從未放棄呢個願望︰「2021年去柬埔寨做義工，令我有價值觀衝擊，令我想起一座孤兒 院。」
Cash身世複雜，因自身經歷希望以建立孤兒院協助

而呢份構想其實緣於佢嘅複雜家庭背景︰「我未見過老竇（生父），去到有印象已經係第二個老竇，第三個老竇係同我生活得比較耐一個。」佢指母親希望自己出生，而令生父改過自新，可惜事與願違，最後父親鋃鐺入獄，錯過兒子誕生。Cash憶述自己於劏房出世︰「係喺一間 超級細嘅劏房，我哋啲咁嘅屋企背景，咪過咁樣嘅人生囉。其實邊個唔想有屋企，但若然父母提供唔到畀佢哋，我想起一個居所畀好似我咁嘅小朋友，畀佢哋一個避難所、一個shelter。」Cash自言雖然讀書成績麻麻，不過依然希望回饋社會。
星期一晚一集，Cash被對手淘汰

此外，星期一晚一集，由「筋肉霆鋒」2號關經翰(Oswald)帶領嘅「顏值隊」，決戰「濃情大隻仔」15號劉梓謙(Curtis)領軍嘅「智齒隊」，嘉賓張寶兒以一襲黑色喱士透視裝上陣，仲同主持豹嫂撞衫。
嘉賓張寶兒同主持豹嫂撞衫撞到應一應

寶兒接受訪問時笑言同豹嫂心有靈犀︰「除咗肌肉會鍾意啲有腦，所以會支持Oswald，睇下佢嘅策略。」中場佢接受火火訪問時，又指邊睇邊心跳加速︰「唔好睇動作咁簡單，現場直情 feel到熱力。」
今晚繼續野男淘汰戰

最後 2 組野男經過「接力爆肌賽」、「瞬間轉移車呔陣」及「野狼合體拉扯戰」 三項比賽後，「智齒隊」罕有三連敗，三名成員包括隊長、「愛妻情長劍」9號王元龍(Dragon)同 「健美大師兄」14號劉振鑫(Ken)齊齊跌入「水深火熱區」，最終後Dragon被淘汰出局無得留低。

《我推的野男LIVE！》逢星期一晚 21:30 星期二晚 21:35 TVB Plus (82台)