StarTalk｜美女聯袂食爆港深珠 秀怡揭一口秘技Jessica化身美人魚

新節目《吃貨橫掃港深珠》嘅五位女神主持，明明已經掃爆各地美食，但係首集大曬泳裝依然Fit到漏，參與呢次不論係講嘢定食嘢都冇時停嘅 廖慧儀 梁凱晴 梁超怡 林秀怡 同 彭慧中 ，呢日就接受《StarTalk》 詹可琳 訪問，分享佢哋呢次爆食各地嘅正爆過程喇。

Jessica同秀怡同另外三位主持一齊主持《吃貨》
雖然大家身材都非常Fit，不過一講到食，大家就不約而同指係秀怡嘅專長，仲爆無論食物幾大件都好，佢都有辦法一口鯨吞，仲幫佢改咗個外號叫「一口秀怡」呀。之但係秀怡本人就唔覺得有幾犀利，仲話一啖食落口有百利而無一害咁話。
除咗食亦會介紹抵玩好去處

拍攝期間日食又夜食，對身形管理非常重視嘅女藝人就係一大問題，而Jessica就話會以瑜珈抗美食，自嘲身形唔好嘅秀怡，就被拍檔笑佢禾稈冚珍珠，身材非常有睇頭喎。呢輯節目除咗美食之外，各位靚女仲會介紹唔同Spa同溫泉、按摩等等大派福利。
秀怡呢日仲被拍檔爆佢嘅一口奇技

講到食共玩，就不得不提Jessica於其中一個水族館化身美人魚，曼妙嘅身影於水中暢泳一幕喇。落海之外佢哋又搭直昇機飛天，靚仔機師仲載佢哋飽覽絕美景色呀。