關心妍帶囡囡心心到天津 探訪孤兒為病童送暖

一向積極行善嘅 關心妍 ，日前帶同囡囡楊榮心(心心)去到天津武清區一間兒童福利院探訪，心心仲用咗一部分利是錢買咗物資送畀福利院嘅小朋友。呢次亦係心心首次同腦癱、唐氏綜合症嘅小朋友相處，喺Jade分享片段所見，心心同小朋友相處得好融洽，Jade希望囡囡明白世界上仲有好多需要自己幫助嘅人。

Jade近年致力行善，日前佢就再探訪天津一間兒童福利院
相隔九年再次探訪兒童福利院，Jade話好多小朋友都長大唔少，而呢間福利院真係幫助唔少遇到困境嘅小朋友同孤兒得到溫暖，佢話好鍾意院外一個石像下嘅語句「我不撇下你們為孤兒 我必到你們這裏來」。

當日佢仲帶同囡囡心心一齊探訪，希望佢了解世上有好多需要幫助嘅朋友