我推的野男LIVE！｜張寶兒見野男嗌到聲沙 同老公討論健身齋講唔參與

TVB Plus 直播選秀互動節目《我推的野男LIVE！》已經去到淘汰階段，呢日就邀請咗 張寶兒 暫時放低 袁咕碌 同老公 袁偉豪 擔任嘉賓，一身透視裝到場嘅佢，仲為當中嘅競賽環節發施號令，事後仲話睇到自己熱血沸騰㷫烚烚呀。

張寶兒日前為《野男》擔任嘉賓，仲話見到一班參加者競爭非常熱血
呢日力撐老友 胡蓓蔚 一隊嘅Bowie，老友到連衫都撞到一模一樣，Bowie話自己叫到聲都沙埋，仲話現場見到一眾爆肌參賽者，加上佢哋嘅激鬥，先知道一啲都唔簡單呀。雖然現場嘅野男競爭激烈，不過Bowie就話聯想到好似自己正同袁咕碌玩遊戲，仲話老公一向都有健身習慣，所以不時都會齊齊討論呀。

一班參加者瘋狂爭勝時，佢竟然諗起同袁咕碌玩遊戲嘅情境