周柏豪爆前世情人呷粉絲醋 王敏奕開工嘆美食被老公羨慕

王敏奕 鄭融 同 周柏豪 現身澳門擔任茶餐廳揭幕嘉賓，三位仲即場大顯身手炮製特色飲品同美食，見佢哋整得有板有眼，完全無難度。柏豪話每次嚟到澳門，都一定唔會放過食好嘢嘅機會，尤其係澳門地道美食。

周柏豪、王敏奕同鄭融呢日到澳門出席食店開幕禮
每次到訪澳門，柏豪都期待同澳門Fans相聚，佢亦大讚當地Fans好熱情，不過自己嘅前世情人囡囡就會呷醋，唔明白點解呢啲人都唔係媽咪，點解會拖住爹哋，柏豪就會解釋呢班係爹哋好好嘅朋友，好支持爹哋，不過爹哋最愛係佢。
柏豪話囡囡如果發現女Fans同自己合照就會呷醋，非常可愛

Venus因為工作關係，不時會到訪澳門，佢亦會把握機會寓工作於娛樂，連老公曾國祥都好羨慕佢，佢話好可惜每次嚟澳門開工，老公都唔得閒，唯有每次都買手信畀老公食。近年甚少推出音樂作品嘅阿融，直認現時要出歌並不容易，佢都話製作梗新歌中，自己好期待快啲可以同大家分享。

Venus不時到澳門工作或者遊玩，令老公非常羨慕佢可以大飽口福