吳業坤與太太歐遊補度蜜月遇小偷 推出新歌展開日系第二部

吳業坤（坤哥）日前推出2024第二支主打派台歌曲《心拍数》，坤哥今次延續《幼馴染》日系感覺，新歌歌名「数」字就係用上日文字嘅漢字，指心跳嘅意思，繼續以J-POP Rock風格打造日系三步曲第二部，感性探索唔同人心跳嘅意義，新歌MV專程去日本取景。

坤哥日前推出2024第二支主打派台歌曲《心拍数》。坤哥繼續以J-POP Rock風格打造日系三步曲第二部，新歌MV專程去日本取景。
日系輕搖滾曲風配合簡單而有意義嘅歌詞，令聽眾更易琅琅上口。MV於日本四國取景，除咗取多個日本街道，更揉合日本海景，借海浪令人感受到蓬勃生命力。坤哥說：「心跳喺世界上最公平嘅事！幾年前睇過一篇生物學嘅文章，每個人出世嘅心跳都決定咗大概25億次，所以無論出身富裕或貧窮都只有呢個數，希望大家唔好有比較，有鍾意嘅事情就係有限嘅心跳裡面勇敢去做。」

坤哥結婚兩年一直忙於工作，近日終於有10日假同太太浜口愛子補度蜜月。
另外，坤哥結婚兩年一直忙於工作，近日終於有10日假同太太浜口愛子補度蜜月，帶太太去歐洲及瑞士旅行，兼順道為自己10周年tour作準備。但坤哥第二日抵埗歐洲，一心穿靚靚準備同太太拍拖shopping ，怎知喺米蘭遭遇小偷，被伸手入袋偷銀包，幸好坤哥機警及時察覺，反被小偷舉中指，令坤哥頓時驚驚返酒店換再換衫，不停要留意自己及太太身邊人物，大大影響心情！

坤哥第二日抵埗歐洲，一心穿靚靚準備同太太拍拖shopping ，怎知喺米蘭遭遇小偷。

坤哥頓時驚驚返酒店換再換衫，不停要留意自己及太太身邊人物。

坤哥指呢次係第一次唔係做嘢飛去歐洲旅行，去之前都冇乜Plan，去到邊Search到邊，唯一擔心搭車好複雜。